- ఢిల్లీ కొత్త ముఖ్యమంత్రి ప్రమాణ స్వీకారం ఫిబ్రవరి 20న జరగనుంది.
- బీజేపీ 70 స్థానాల్లో 48 స్థానాలు గెలుచుకుంది.
ఢిల్లీ రాష్ట్రంలో కొత్త ముఖ్యమంత్రిని ఎవరన్న ఉత్కంఠకు తెరపడబోతుంది. ఈ నెల 20వ తేదీన సాయంత్రం 4.30 నిమిషాలకు ప్రమాణ స్వీకారం జరగనుందని బీజేపీ వర్గాలు వెల్లడించాయి. ఢిల్లీ అసెంబ్లీ ఎన్నికల్లో బీజేపీ 70 స్థానాలకు గాను 48 స్థానాలను కైవసం చేసుకోవడం విశేషం. అయితే, కొత్త ముఖ్యమంత్రిని ఇంకా బీజేపీ పెద్దలు ఎంపిక చేయలేదు. బీజేపీ శాసనసభాపక్ష భేటీ ఇంకా నిర్వహించబడలేదు. మార్చి 8న ఎన్నికల ఫలితాలు వెల్లడైన తర్వాత ప్రధాని నరేంద్ర మోదీ విదేశీ పర్యటనకు వెళ్లారు. సోమవారం జరగాల్సిన శాసనసభాపక్ష సమావేశం వాయిదా పడింది, అయితే బుధవారం సమావేశం జరగనున్నట్లు సమాచారం. ఈ సమావేశంలో ముఖ్యమంత్రి ఎంపికతోపాటు మంత్రివర్గ కూర్పుపై కీలక నిర్ణయాలు తీసుకునే అవకాశం ఉంది. నూతన ముఖ్యమంత్రి ఎవరో త్వరలోనే వెల్లడవుతుందని భావిస్తున్నారు.
