- అక్షర్ పటేల్ హ్యాట్రిక్ అవకాశం చేజార్చిన రోహిత్ శర్మ
- ‘క్షమాపణలు.. డిన్నర్ ఆఫర్ చేస్తా!’ – మ్యాచ్ అనంతరం రోహిత్ వ్యాఖ్య.
ఛాంపియన్స్ ట్రోఫీలో టీమ్ఇండియా తమ తొలి మ్యాచ్లో బంగ్లాదేశ్ను ఓడించింది. అయితే, ఈ మ్యాచ్లో భారత బౌలర్ అక్షర్ పటేల్ హ్యాట్రిక్ తీసే అవకాశాన్ని కెప్టెన్ రోహిత్ శర్మ చేజార్చాడు. బంగ్లాదేశ్ ఇన్నింగ్స్లో 9వ ఓవర్లో అక్షర్ పటేల్ వరుసగా రెండు వికెట్లు తీసి, మూడో బంతికి కూడా బ్యాటర్ను స్లిప్లో క్యాచ్ ఇచ్చేలా చేయించాడు. అయితే రోహిత్ శర్మ చివరి నిమిషంలో క్యాచ్ జారవిడిచాడు, దీంతో హ్యాట్రిక్ మిస్సయ్యింది.ఈ ఘటనపై మ్యాచ్ అనంతరం రోహిత్ శర్మ మాట్లాడుతూ “ఆ క్యాచ్ చాలా సులభమైనదే. దాన్ని నేను పట్టుకోవాల్సింది. అక్షర్కు హ్యాట్రిక్ అవకాశాన్ని చేజార్చినందుకు క్షమాపణలు చెబుతున్నా. బహుశా అతడిని డిన్నర్కు తీసుకెళ్తానేమో!” అని హాస్యంగా స్పందించాడు. అక్షర్ పటేల్ దీనిపై “ఇలాంటివి క్రికెట్లో సహజమే. ఈ విషయాన్ని నేను చాలా తేలికగా తీసుకున్నా” అని అన్నారు.
