- వైద్యం, విద్య, వ్యవసాయ రంగాల్లో సమస్యలకు సాంకేతిక పరిష్కారం
- చంద్రబాబు-బిల్ గేట్స్ సమక్షంలో అవగాహన ఒప్పందం
ఏపీ ప్రభుత్వ అభివృద్ధి ప్రణాళికలకు బిల్ గేట్స్ ఫౌండేషన్ కీలక భాగస్వామిగా మారింది. వైద్యం, ఆరోగ్యం, మెడ్టెక్, వ్యవసాయం, విద్య వంటి ఐదు ప్రధాన రంగాల్లో సమస్యలను తక్కువ ఖర్చుతో పరిష్కరించేందుకు ఇరువురూ కలిసి పనిచేయాలని నిర్ణయించుకున్నారు. బుధవారం దిల్లీలో జరిగిన ఈ సమావేశంలో గేట్స్ ఫౌండేషన్ ఇండియా డైరెక్టర్ ఎం.హరిమేనన్, ఏపీ ఐటీ కార్యదర్శి కాటమనేని భాస్కర్ ఒప్పంద పత్రాలపై సంతకాలు చేశారు.
సాంకేతికతతో పురోగతి
ఈ ఒప్పందం ద్వారా కృత్రిమ మేధను (AI) ఉపయోగించి ప్రజల ఆరోగ్య సమస్యలను ముందుగానే అంచనా వేసి, పరిష్కార మార్గాలను సూచించనున్నారు. శాటిలైట్ ఆధారిత వ్యవస్థల ద్వారా వ్యవసాయ వ్యూహాలను మెరుగుపరిచే విధానాలపై గేట్స్ ఫౌండేషన్ ప్రభుత్వంకు మద్దతు అందించనుంది. చంద్రబాబు ఈ భాగస్వామ్యాన్ని ‘స్వర్ణాంధ్ర-2047’ లక్ష్య సాధనలో కీలకంగా మారుతుందని వ్యాఖ్యానించగా, బిల్ గేట్స్ ఈ ఒప్పందాన్ని దేశవ్యాప్తంగా ఇతర రాష్ట్రాలకు కూడా మార్గదర్శకంగా నిలుస్తుందని పేర్కొన్నారు.
