సినీ హీరో అల్లు అర్జున్ను అరెస్ట్ చేసిన వ్యవహారంపై కేటీఆర్ తీవ్రంగా స్పందించారు. ఆయన మాట్లాడుతూ, “అల్లు అర్జున్ అరెస్టు వ్యవహారంలో రాష్ట్ర ప్రభుత్వం వ్యవహరించిన తీరును ఖండిస్తున్నాను” అని తెలిపారు. జాతీయ అవార్డు గెలుచుకున్న స్టార్ హీరోని సాధారణ నేరస్తుడిలా పరిగణించడం సరైనది కాదని కేటీఆర్ అన్నారు. “తొక్కిసలాట బాధితుల పట్ల నాకు పూర్తి సానుభూతి ఉంది, కానీ అసలు తప్పు ఎవరిది?” అని ప్రశ్నించారు. ఈ సందర్భంలో, “సంబంధం లేని అంశంలో అల్లు అర్జున్ను అరెస్ట్ చేయడం న్యాయమైతే, హైడ్రా పేరుతో పేద ప్రజలను భయభ్రాంతులకు గురిచేసి వారి మరణానికి కారణమైన ముఖ్యమంత్రి రేవంత్ రెడ్డి పైన కూడా కేసులు నమోదు చేసి అరెస్టు చేయాలి” అని ఆయన సూచించారు.
