1990ల్లో స్టార్ హీరోల సరసన నటించి తెలుగు, తమిళ, హిందీ సినిమాల్లో తనదైన ముద్ర వేసిన నటి రంభ, 15 ఏళ్ల తర్వాత సినీ రంగంలో రీఎంట్రీ ఇవ్వడానికి సిద్ధమవుతున్నారు. ప్రస్తుతం విజయ్ టీవీ డ్యాన్స్ రియాలిటీ షో ‘జోడీ: ఆర్ యూ రెడీ?’లో జడ్జ్గా వ్యవహరిస్తున్న ఆమె, తాజా ఇంటర్వ్యూలో తన వ్యక్తిగత, వృత్తి జీవితం గురించి ఆసక్తికర విషయాలు పంచుకున్నారు. 2010లో కెనడా వ్యాపారవేత్త ఇంద్రకుమార్ పత్మనాథన్ను వివాహం చేసుకుని టొరంటోలో స్థిరపడిన రంభ, తన ముగ్గురు పిల్లల సంరక్షణ కోసం సినిమాలకు దూరమైనట్లు తెలిపారు. ఇప్పుడు భర్త, కుటుంబ సభ్యుల ప్రోత్సాహంతో మళ్లీ తెరపై కనిపించేందుకు సన్నాహాలు చేస్తున్నారు.
పిల్లలు స్వతంత్రంగా మారిన తర్వాత, నా భర్త ప్రోత్సాహంతో ఈ షోలో జడ్జ్గా చేస్తున్నాను. నటన నా రక్తంలో ఉంది, మళ్లీ సినిమాల్లో నటించాలని నిర్ణయించాను,” అని రంభ చెప్పారు.
రంభ తన రీఎంట్రీ ప్రయాణంలో ఎదుర్కొన్న భయాలను కూడా వెల్లడించారు. రియాలిటీ షో కోసం స్టేజ్పై డ్యాన్స్ వేసేటప్పుడు మొదట్లో సంకోచించినా, ప్రేక్షకుల చప్పట్లు తనలో ధైర్యాన్ని నింపాయని చెప్పారు. ఇటీవల ఒక కార్యక్రమంలో ప్రేక్షకులు చూపిన ఆదరణ తనలో సినిమాలపై ఆసక్తిని రగిలించినట్లు తెలిపారు. తన సమకాలీన నటీమణులు ఇప్పటికీ సినిమాల్లో కొనసాగుతుండటం తనను ప్రేరేపించినట్లు చెప్పారు. నిర్మాత కలైపులి ఎస్. తను రంభ భర్తతో మాట్లాడి, ఆమె కోసం సినిమా అవకాశాలు సమకూర్చేందుకు ముందుకొచ్చినట్లు నివేదికలు సూచిస్తున్నాయి. రంభ తిరిగి వెండితెరపై సత్తా చాటేందుకు అభిమానులు ఎదురుచూస్తున్నారు.
