- మెగా ఫ్యామిలీలోకి కొత్త అతిథి రాకతో పండగ వాతావరణం
- వరుణ్ తేజ్, నితిన్ దంపతులకు మగబిడ్డలు
- శర్వానంద్ ఇంటికి మహాలక్ష్మి
మెగా ప్రిన్స్ వరుణ్ తేజ్, లావణ్య దంపతులు 2025లో మగబిడ్డకు తల్లిదండ్రులయ్యారు. దీంతో మెగాస్టార్ చిరంజీవి, రామ్ చరణ్ సోషల్ మీడియాలో చిన్నారికి గ్రాండ్ వెల్కమ్ పలికారు. తమ కుమారుడికి ‘వాయువ్ తేజ్’ అని పేరు పెట్టినట్లు బారసాల వేడుక వీడియో ద్వారా వరుణ్ ప్రకటించారు. చిన్నారి రాకతో తమ జీవితం సంపూర్ణమైందని ఈ జంట భావోద్వేగానికి గురైంది (Tollywood Celebrity Babies 2025 List).
నితిన్ ,షాలిని: ఐదేళ్ల నిరీక్షణ తర్వాత వారసుడు!
టాలీవుడ్ లవర్ బాయ్ నితిన్ ఇంటికి వారసుడు వచ్చాడు. 2020లో వివాహం చేసుకున్న నితిన్, షాలిని దంపతులకు ఐదేళ్ల తర్వాత మగబిడ్డ జన్మించాడు. తన కుమారుడి చిన్న చేతిని పట్టుకున్న ఫోటోను షేర్ చేస్తూ.. తమ జీవితంలోకి కొత్త సంతోషం వచ్చిందని నితిన్ ఆనందం వ్యక్తం చేశారు. ప్రస్తుతం షూటింగ్స్ మధ్యలో విరామం తీసుకుంటూ నితిన్ తన చిన్నారి కోసం ప్రత్యేక సమయం కేటాయిస్తున్నారు.
శర్వానంద్ , రక్షితా రెడ్డి: ఇంటికి వచ్చిన లక్ష్మీదేవి!
యంగ్ హీరో శర్వానంద్, రక్షితా రెడ్డి దంపతులకు తొలి సంతానంగా ఆడబిడ్డ జన్మించింది. ఆడబిడ్డ పుట్టడం తమ ఇంటికి లక్ష్మీదేవి వచ్చినట్లేనని శర్వానంద్ సంతోషం వ్యక్తం చేశారు. తన కుమార్తెకు ‘లీలా దేవి’ అని నామకరణం చేసి, ఆమెతో గడిపిన మధుర క్షణాలను అభిమానులతో పంచుకున్నారు. తండ్రిగా మారిన తర్వాత శర్వానంద్లో కనిపిస్తున్న పరిణతిని అభిమానులు మెచ్చుకుంటున్నారు.
