- పెద్ద గ్రూప్స్లో మెంబర్లను సులభంగా గుర్తించేందుకు ‘మెంబర్ ట్యాగ్స్’ ఫీచర్
- పదాన్ని స్టికర్గా మార్చే ‘టెక్స్ట్ స్టికర్స్’.. ఈవెంట్స్ మిస్ అవ్వకుండా ‘రిమైండర్స్’ అప్డేట్
- ఆండ్రాయిడ్, ఐఓఎస్ యూజర్లకు దశలవారీగా అందుబాటులోకి వస్తున్న సరికొత్త ఫీచర్లు
మనం వాడే వాట్సాప్ గ్రూప్స్లో ఇప్పుడు 1,024 మంది వరకు సభ్యులు ఉండే అవకాశం ఉంది. అయితే ఇంత పెద్ద గ్రూప్లో ఎవరు ఎవరో గుర్తుపట్టడం, ముఖ్యమైన ఈవెంట్లను ఫాలో అవ్వడం కొన్నిసార్లు తలనొప్పిగా మారుతుంది. ఈ సమస్యలన్నింటికీ చెక్ పెడుతూ మెటా సంస్థ మూడు అద్భుతమైన ఫీచర్లను తీసుకొచ్చింది. గ్రూప్ చాటింగ్ అనుభవాన్ని పూర్తిగా మార్చేసేలా ఈ అప్డేట్లు ఉన్నాయి. (WhatsApp Group Chat New Features Member Tags Event Reminders)
“పెద్ద గ్రూప్స్.. మరెన్నో మెసేజ్ లు.. ఇకపై ఏదీ కన్ఫ్యూజన్ ఉండదు.. వాట్సాప్ కొత్త అప్డేట్లతో అన్నీ ఆర్గనైజ్డ్!”
మెంబర్ ట్యాగ్స్.. ఇక ఎవరినీ మిస్ అవ్వం!
ఈ కొత్త అప్డేట్లో హైలైట్ అంటే ‘మెంబర్ ట్యాగ్స్’ ఫీచరే. దీని ద్వారా గ్రూప్లోని సభ్యులకు “అన్నా”, “డాడ్” లేదా వారి రోల్ను బట్టి “గోల్ కీపర్” వంటి కస్టమ్ లేబుల్స్ ఇచ్చుకోవచ్చు. దీనివల్ల వందల మందిలో మనకు కావలసిన వ్యక్తిని సెర్చ్ చేయడం ఈజీ అవుతుంది. అలాగే ఏదైనా పదాన్ని టైప్ చేసి దాన్ని నేరుగా ‘టెక్స్ట్ స్టికర్’గా మార్చుకోవచ్చు. ఇక గ్రూప్లో ప్లాన్ చేసే పార్టీలు లేదా కాల్స్ అస్సలు మిస్ అవ్వకుండా ముందస్తుగా ‘ఈవెంట్ రిమైండర్స్’ సెట్ చేసుకునే ఆప్షన్ కూడా ఇచ్చారు. 2జీబీ వరకు ఫైల్ షేరింగ్, హెచ్డీ మీడియా, స్క్రీన్ షేరింగ్ వంటి ఫీచర్లతో వాట్సాప్ తన గ్రూప్స్ ని మరింత పవర్ఫుల్గా మార్చేసింది. ఎప్పటిలాగే ఈ మెసేజ్ లన్నీ ఎండ్-టూ-ఎండ్ ఎంక్రిప్షన్ తో సురక్షితంగా ఉంటాయి.
వాట్సాప్ తీసుకొచ్చిన ఈ మూడు ఫీచర్లలో మీకు ఏది బాగా నచ్చింది? ఈ మెంబర్ ట్యాగ్స్ ఫీచర్ మీ గ్రూప్ చాటింగ్ ను సులభం చేస్తుందని మీరు భావిస్తున్నారా? కామెంట్ చేయండి.
