రాజధాని అభివృద్ధి, పెట్టుబడులకు రాష్ట్రం అందిస్తున్న అవకాశాలపై చక్కటి ప్రదర్శన
ఆంధ్రప్రదేశ్ రాజధాని అమరావతిని గ్లోబల్ స్థాయిలో అభివృద్ధి చేసే దిశగా రూపొందించిన లఘు చిత్రాన్ని వరల్డ్ ఎకనమిక్ ఫోరమ్ సమావేశంలో ప్రదర్శించారు. ఈ చిత్రం ద్వారా అమరావతిలో కొనసాగుతున్న అభివృద్ధి కార్యక్రమాలు, రాష్ట్రంలో పెట్టుబడులకు అనువైన వాతావరణం, ప్రాకృతిక వనరుల గురించి వివరించారు. స్వర్ణాంధ్ర విజన్ డాక్యుమెంట్లో ప్రతిపాదించిన పది ప్రధాన సూత్రాలను చిత్రంలో చక్కగా ప్రస్తావించారు.
గ్లోబల్ లీడర్షిప్ సెంటర్ ప్రయోజనాలు
భారత పారిశ్రామిక రంగానికి అమరావతి నుంచి కొత్త మార్గాలు
సీఎం చంద్రబాబు మాట్లాడుతూ, అమరావతిలో ఏర్పాటు చేస్తున్న గ్లోబల్ లీడర్షిప్ సెంటర్ (GLC) ద్వారా రాష్ట్రానికి ప్రపంచ స్థాయి గుర్తింపు వస్తుందని పారిశ్రామికవేత్తలకు వివరించారు. ఈ సెంటర్ ద్వారా గ్లోబల్ లీడర్లను తీర్చిదిద్దడమే కాకుండా, పారిశ్రామిక మార్గదర్శకత, పోటీతత్వ నైపుణ్యాలు పెంపొందించేందుకు సహకారం అందించవచ్చని తెలిపారు. స్విట్జర్లాండ్లోని IMD బిజినెస్ స్కూల్ సహకారంతో ఏర్పాటు కానున్న ఈ సెంటర్ రాష్ట్ర అభివృద్ధికి చిహ్నంగా నిలుస్తుందని చంద్రబాబు విశ్వాసం వ్యక్తం చేశారు. ఈ లఘు చిత్రం, గ్లోబల్ లీడర్షిప్ సెంటర్ ప్రాధాన్యతలపై జరిగిన చర్చలు, ఆంధ్రప్రదేశ్ పెట్టుబడులకు దేశ-విదేశాల నుంచి ఆకర్షణ పెంచుతాయని సీఎం ధీమా వ్యక్తం చేశారు.
