జూన్ లోపు ప్రభుత్వంలో ఉన్న అన్ని నామినేటెడ్ పదవులు భర్తీ చేస్తామని ముఖ్యమంత్రి చంద్రబాబు స్పష్టం చేశారు. పార్టీకి మద్దతుగా పనిచేసిన వారిని ప్రోత్సహించాల్సిన బాధ్యత ఎమ్మెల్యేలదేనని ఆయన తెలిపారు.
ముఖ్యమంత్రి చంద్రబాబు నాయుడు, జూన్ లోపు ప్రభుత్వంలో ఉన్న అన్ని నామినేటెడ్ పదవులను భర్తీ చేస్తామని ప్రకటించారు. ఇతర పార్టీల నుంచి వచ్చి చేరిన వారికంటే, పార్టీని మొదటి నుంచి నమ్ముకున్న వారిని ప్రోత్సహించాల్సిన బాధ్యత ఎమ్మెల్యేలదేనని ఆయన స్పష్టం చేశారు. 214 మార్కెట్ కమిటీలు మరియు 1100 ట్రస్ట్ బోర్డులు ఉన్నాయని, రానున్న రోజుల్లో ఈ నియామకాలను పూర్తి చేస్తామని తెలిపారు. తన బృందంలో దాదాపు 25 మంది ఉన్నందున, ఎగ్జిక్యూటివ్ ఆర్డర్ల అమలు, సలహాలు, సూచనలు వంటి విషయాలను చర్చించేందుకు ప్రత్యేక కార్యాలయం ఏర్పాటు చేస్తున్నట్లు వివరించారు.సీఎం చంద్రబాబు, పార్టీ ముఖ్య నాయకులు, ఎమ్మెల్యేలు, ఎంపిలు, మంత్రులు మరియు పార్టీ ఇన్ఛార్జ్లతో టెలికాన్ఫరెన్స్ నిర్వహించారు. ఈ సందర్భంగా, పదవి పొందిన వాళ్ల రెండేళ్ల పనితీరుపై సమీక్ష చేస్తామని చెప్పారు. వ్యవసాయ మార్కెట్ కమిటీలు మరియు దేవాలయ కమిటీల నియామకంపై సరైన ప్రతిపాదనలు పంపాలని ఎమ్మెల్యేలకు సూచించారు. 2029లో మళ్లీ గెలిచేలా ప్రతి ఒక్కరి పనితీరు ఉండాలని ఆయన తేల్చి చెప్పారు. ఎన్నికల హామీల్లో ఇచ్చిన పథకాలన్నీ అమలు చేస్తామని, వైకాపా తప్పుడు ప్రచారాన్ని ఎండగట్టాలని నేతలకు సూచించారు.
