దర్శకుడు దేవ కట్టా ‘రిపబ్లిక్’ చిత్రం తర్వాత రాజకీయ నేపథ్యంలో ‘మయసభ’ అనే వెబ్ సిరీస్తో ప్రేక్షకుల ముందుకు రాబోతున్నారు. ఈ సిరీస్ షూటింగ్ దాదాపు పూర్తయినట్లు, త్వరలో రిలీజ్ కానుందని సమాచారం. తెలుగు రాజకీయ దిగ్గజాలు, దివంగత ముఖ్యమంత్రి వైఎస్ రాజశేఖర్ రెడ్డి, ఏపీ ముఖ్యమంత్రి చంద్రబాబు నాయుడు జీవితాల స్ఫూర్తితో ఈ కథ రూపొందినట్లు వినికిడి. ఆది పినిశెట్టి, చైతన్య రావు వీరి పాత్రల్లో నటిస్తున్నట్లు తెలుస్తోంది.
మయసభ—చంద్రబాబు, వైఎస్ఆర్ స్ఫూర్తితో రాజకీయ డ్రామా!
2020లో దేవ కట్టా చంద్రబాబు, వైఎస్ఆర్ స్నేహంపై ‘ఇంద్రప్రస్థం’ పేరుతో ప్రాజెక్ట్ ప్రకటించి, మోషన్ పోస్టర్ విడుదల చేశారు. అయితే, ఆ ప్రాజెక్ట్ ఆగిపోయినట్లు కనిపించింది. ఇప్పుడు ‘మయసభ’ రూపంలో ఆ ఆలోచన తిరిగి జీవం పోసుకుందని అంటున్నారు. పోస్ట్ ప్రొడక్షన్ దశలో ఉన్న ఈ సిరీస్ను రెండు లేదా మూడు సీజన్లుగా రూపొందిస్తున్నారు. మొదటి సీజన్ ఈ ఏడాది చివరిలో సోనీ లివ్ ఓటీటీలో తెలుగుతో పాటు ఇతర భాషల్లో స్ట్రీమింగ్ కానుందని సమాచారం. త్వరలో అధికారిక ప్రకటన రానుంది.
