ఆంధ్రప్రదేశ్ డిప్యూటీ సీఎం పవన్ కల్యాణ్ గ్రామస్వరాజ్యాన్ని ఆచరణలోకి తీసుకురావడానికి పంచాయతీరాజ్ శాఖలో కీలక మార్పులను ప్రతిపాదించారు. గ్రామాల్లో పాలనను మెరుగుపరచడం, ప్రజలకు నిరంతరాయ సేవలందించడం లక్ష్యంగా ఆయన తీసుకున్న నిర్ణయాలు ప్రజల మెప్పు పొందుతున్నాయి.
క్లస్టర్ గ్రేడ్లలో మార్పులు
గ్రామ పంచాయతీల క్లస్టర్ విధానంలో కొత్త మార్గదర్శకాలను రూపొందించాలని పవన్ అధికారులను ఆదేశించారు. ఇప్పటివరకు పంచాయతీల ఆదాయాన్ని ప్రామాణికంగా తీసుకున్న పద్ధతికి జనాభాను కూడా జోడించి గ్రేడ్ల విభజన చేయాలని సూచించారు. కొత్త విధానం వల్ల పంచాయతీలలో సిబ్బంది కొరత సమస్యను అధిగమించవచ్చని ఆయన అభిప్రాయపడ్డారు.
- సిబ్బంది నియామకం సులభతరం చేయడం.
- తాగునీటి సరఫరా, వీధి దీపాల నిర్వహణ, పారిశుధ్యం… వంటి మౌలిక సేవలపై దృష్టి.
- క్లస్టర్ గ్రేడ్ల కేటాయింపుపై అధ్యయనం చేసి, కమిటీ సిఫార్సుల ఆధారంగా చర్యలు.
గ్రామ పంచాయతీల ప్రాధాన్యత
పవన్ కల్యాణ్ మాట్లాడుతూ, గ్రామ పంచాయతీలు ప్రజల అవసరాలను తీర్చడంలో కీలకమైనవి అని, గ్రామీణాభివృద్ధి కోసం ప్రతిరోజూ ఈ శాఖను మరింత సమర్థవంతంగా మార్చడానికి కృషి చేస్తామని తెలిపారు. జిల్లాల ఆధారంగా పంచాయతీల ఆదాయం, జనాభా నివేదికలను పరిశీలించి కొత్త విధానాన్ని రూపొందించేందుకు ప్రత్యేక కమిటీని ఏర్పాటు చేయనున్నారు.
