ఇచ్చిన మాటకు కట్టుబడి.. మహేశ్-రాజమౌళి క్రేజీ కాంబో! ఆ నిర్మాత ఎవరు?

• రాజమౌళి-మహేశ్‌బాబు కాంబినేషన్ సినిమా కోసం నిర్మాతల క్యూ ఉన్నా, రాజమౌళి కే.ఎల్. నారాయణకు ఇచ్చిన మాటకు కట్టుబడ్డారు.
• 15 ఏళ్ల క్రితమే ఈ సినిమా ఫిక్స్ అయింది. కొవిడ్, బాహుబలి, ఆర్ఆర్ఆర్ వంటి కారణాల వల్ల ఆలస్యమైంది.

15 ఏళ్ల ఎదురుచూపు!

కొత్త దర్శకుడు హిట్‌ కొట్టడమే ఆలస్యం.. ‘తదుపరి సినిమా మాకే చెయ్యాలి’ అంటూ నిర్మాతలు రిక్వెస్ట్‌లు చేస్తుంటారు. ఇక రాజమౌళి (జక్కన్న) విషయంలో అలాంటి ఆఫర్లు ఎలా ఉంటాయో అర్థం చేసుకోవచ్చు. జక్కన్నతో సినిమా కోసం నిర్మాతల క్యూ ఎంత ఉన్నా.. ఆయన మాత్రం కొన్నేళ్ల క్రితం కె.ఎల్. నారాయణకు ఇచ్చిన మాట నిలబెట్టుకున్నారు. హీరోగా మహేశ్‌బాబు కూడా అప్పుడే ఎంపికయ్యారు (Rajamouli Mahesh Babu Movie). అలా ఇప్పుడు తెరకెక్కిస్తున్నదే #SSMB29 (వర్కింగ్ టైటిల్). రాజమౌళి-మహేశ్‌బాబు కాంబినేషన్ సినిమాను 15 ఏళ్ల క్రితమే ఫిక్స్ చేశామని కే.ఎల్. నారాయణ గతేడాది ఒక ఇంటర్వ్యూలో చెప్పారు. ఇప్పుడు వాళ్లిద్దరి క్రేజ్ మరో స్థాయిలో ఉంది. అయినా ఇచ్చిన మాటకు కట్టుబడి తనకు సినిమా చేస్తున్నందుకు వారికి ధన్యవాదాలు చెప్పారు. హాలీవుడ్ నుంచి ఆఫర్లు వచ్చినా.. వాటిని కాదనుకుని రాజమౌళి తన కోసం సినిమా చేస్తున్నారని నారాయణ తెలిపారు.

సినిమా ఆలస్యం ఎందుకు?

‘శ్రీ దుర్గా ఆర్ట్స్’ పతాకంపై కే.ఎల్. నారాయణ (KL Narayana Producer) నిర్మించిన చిత్రాలు తక్కువే అయినా, ఆయనకు అభిరుచి ఉన్న నిర్మాతగా పేరు ఉంది. ఆయన నిర్మించిన ముఖ్యమైన సినిమాలు: ‘క్షణ క్షణం’, ‘హలో బ్రదర్’, ‘ఇంట్లో ఇల్లాలు వంటింట్లో ప్రియురాలు’, ‘సంతోషం’. ఈ సినిమా ఫిక్స్ అయినప్పుడు రాజమౌళి వేరే సినిమాలు అంగీకరించి ఉన్నారు. ‘బాహుబలి’ వంటి సినిమాలకు ఎక్కువ సమయం వెచ్చించాల్సి రావడం, ‘ఆర్ఆర్ఆర్’, కొవిడ్ వంటి పలు కారణాల వల్ల ఈ క్రేజీ కాంబో మూవీ ఆలస్యమవుతూ వచ్చింది. అప్పటికి సినిమా ఫిక్స్ అయ్యారు తప్ప, కథ సిద్ధం చేయలేదు. ‘ఆర్ఆర్ఆర్’ విడుదలయ్యాక రాజమౌళి తండ్రి, రచయిత విజయేంద్ర ప్రసాద్ కథపై కసరత్తు చేశారు. ఈ సినిమా కథా నేపథ్యంపై ‘గరుడ’, ‘రుద్ర’, ‘వారణాసి’, ‘సంచారి’.. ఇలా పలు పేర్లు నెట్టింట చక్కర్లు కొట్టాయి. ప్రస్తుతం #Globetrotter అనే హ్యాష్‌ట్యాగ్‌తోనే టీమ్ సినిమాని ప్రమోట్ చేస్తోంది. మరికొన్ని గంటల్లో రామోజీ ఫిల్మ్ సిటీలో (Ramoji Film City Event) జరగనున్న గ్రాండ్ ఈవెంట్‌లో సినిమా వివరాలు వెల్లడవుతాయని తెలుస్తోంది.

Rajamouli and Mahesh Babu’s #SSMB29, delayed for 15 years due to Baahubali and RRR, is finally set for a grand announcement. Details about the producer KL Narayana and the film’s title rumors.