“సినిమాల ద్వారా వచ్చే డబ్బు మాత్రమే నేను తీసుకుంటాను,” అంటూ ప్రముఖ సంగీత దర్శకుడు తమన్ తన మనసులోని మాటను పంచుకున్నారు. క్రికెట్, ఇతర షోల ద్వారా వచ్చిన సంపాదనను పూర్తిగా ట్రస్టులకు, ఓల్డేజ్ హోమ్లకు అందజేస్తున్నట్లు ఆయన తెలిపారు. తమన్ మాట్లాడుతూ, “మన వంతుగా సమాజానికి ఏదైనా చేయాలి. అందుకే గత 15 ఏళ్లుగా ఇతర రంగాలలో నేను సంపాదించిన డబ్బును సమాజానికి అంకితం చేస్తున్నాను,” అని తెలిపారు. తనకు సినిమాల ద్వారా వచ్చిన ఆదాయం తన జీవితానికి సరిపోతుందని, మిగతా సంపాదనను సేవా కార్యక్రమాల కోసం వినియోగించడం తన కర్తవ్యంగా భావిస్తున్నానని చెప్పాడు. తమన్ ఈ నిర్ణయం ద్వారా తన సమాజ సేవా స్పృహను చాటుకున్నారు. “జీవితంలో మనం సంపాదించేది తమకోసమే కాదు, ఇతరులకు ఉపయోగపడేట్లు కూడా జీవించాలి,” అని తమన్ తన మాటలతో యువతకు స్ఫూర్తినిచ్చారు.
