- సముద్రంలో తేలియాడే యూనివర్సిటీ! నమ్మశక్యం కాని ఒక అద్భుతమైన కథ ఇది!
- ఈ ఓడ మన ఇండియాకు కూడా వచ్చిందట.. మరి విద్యార్థులు తాజ్ మహల్ చూసి ఏం చెప్పారు? గాంధీని కలిసి ఏం అనుకున్నారు?
మీరు ఎప్పుడైనా ఆలోచించారా? ఒక స్కూలో, కాలేజీనో ఓడలో ఉంటే ఎలా ఉంటుందని? సముద్రంలో ప్రయాణిస్తూ, ప్రపంచ దేశాలు చూస్తూ చదువుకోవడం ఎంత బాగుంటుంది కదా? ఇదే ఆలోచన ఒకప్పుడు నిజమైంది! 1920వ దశకంలో, అమెరికాలో ఒక ప్రొఫెసర్ ‘ఫ్లోటింగ్ యూనివర్సిటీ’ అనే పేరుతో నిజంగానే ఓడలో ఒక యూనివర్సిటీని మొదలుపెట్టారు. ఇది ఎంత వింతగా ఉంది కదా! ఈ ప్రొఫెసర్, పిల్లలు కేవలం పుస్తకాల్లో చదవడమే కాదు, నిజంగా ప్రపంచాన్ని చూసి, ప్రజలను కలిసి, వాళ్ళ గురించి తెలుసుకోవాలని అనుకున్నారు. అందుకే ఒక పెద్ద ఓడను యూనివర్సిటీగా మార్చారు. అందులో క్లాసురూమ్లు, టీచర్లు, లైబ్రరీ.. అన్నీ ఉండేవి. ఆ ఓడ ప్రపంచం చుట్టూ తిరుగుతూ, విద్యార్థులకు కొత్త కొత్త విషయాలు నేర్పేది.
తాజ్ మహల్ మ్యాజిక్.. గాంధీజీతో మీటింగ్!
1927 జనవరిలో, ఈ ఫ్లోటింగ్ యూనివర్సిటీ విద్యార్థులు మన ఇండియాకు కూడా వచ్చారు! వాళ్ల ఓడ ముంబైలో ఆగింది. అక్కడి నుంచి ట్రైన్లో బయలుదేరి ఆగ్రాకు వెళ్లారు. మీరు ఊహించగలరా? రెండు రాత్రులు, ఒక పగలు ట్రైన్లో ప్రయాణించి, ప్రపంచ అద్భుతం తాజ్ మహల్ను చూశారు. వాళ్లలో ఒక విద్యార్థి, 23 ఏళ్ల డెవిట్ రెడ్డిక్, తాజ్ మహల్ను చూసి ఇలా అన్నాడు: “పొద్దు పొద్దున్నే సూర్యరశ్మిలో మెరుస్తున్న తాజ్ మహల్.. అరేబియన్ నైట్స్ లోని కలలో ప్యాలెస్ లా ఉంది!” నిజంగానే తాజ్ మహల్ అంత అద్భుతంగా ఉంటుంది మరి! ఇంకొన్ని గంటల తర్వాత, “ఎండలో కూడా ఆ భవనం మెరుస్తూ, మెరిసే పాలరాతితో చల్లని సూర్యుడిలా ఉంది” అని ఆయన రాశారు. ఆ తాజ్ మహల్ అందాన్ని చూసి ఆయన ఆశ్చర్యపోయి, “రాత్రి నిశ్శబ్దంగా తెల్లగా, ఇండియా మధ్యాహ్నపు మండుతున్న ఎండలో కూడా చల్లగా తెల్లగా, తాజ్ మహల్ మధ్య ఇండియాలో నిలబడి ఉంది, దయ, అందాలకు అది ఒక గుర్తు, భారత స్ఫూర్తికి ప్రతీక” అని పొగిడారు.
కొంతమంది విద్యార్థులు ముంబై దగ్గర్లోని వార్ధాకు కూడా వెళ్లారు. అక్కడ మన జాతిపిత మహాత్మా గాంధీజీ ఆశ్రమంలో ఉన్నారు. గాంధీజీని చూసినప్పుడు కొంతమంది విద్యార్థులు మొదట పెద్దగా ఆకట్టుకోలేదు. ఆయన సాధారణంగా, చిన్న దుస్తులు ధరించి ఉండటం చూసి వాళ్లు కొంచెం ఆశ్చర్యపోయారు. కానీ, ప్రజలు ఆయనకు ఇచ్చే గౌరవాన్ని చూసినప్పుడు వాళ్లు షాక్ అయ్యారు. “ప్రజలు మోకాళ్లపై పడి, చాలా మంది ఆయన శాలువాను ముద్దు పెట్టుకున్నారు” అని చూసినప్పుడు, గాంధీజీ గొప్పదనం వాళ్లకు అర్థమైంది.
సముద్రంలో చదువు.. మరి అదంతా నిజమేనా?
ఈ ఫ్లోటింగ్ యూనివర్సిటీ 1926 సెప్టెంబర్ నుంచి 1927 మే వరకు తొమ్మిది నెలల పాటు ప్రపంచం చుట్టూ తిరిగింది. 42 చోట్ల ఆగింది. అక్కడ వాళ్లు చరిత్ర, సైకాలజీ, భాషలు లాంటి చాలా సబ్జెక్టులు నేర్చుకున్నారు. ఈ ఓడలో చదువుకున్న అనుభవం వాళ్లకు జీవితంలో పెద్ద లెసన్స్ నేర్పింది. ఈ వింత యూనివర్సిటీ గురించి అప్పట్లో చాలా చర్చ జరిగింది. కొంతమంది విద్యార్థులు తాగినందుకు వాళ్ళను ఓడ నుంచి పంపించేశారు అని, అలాగే అబ్బాయిలు, అమ్మాయిలు కలిసి ఉండటం వల్ల కొన్ని ప్రేమకథలు మొదలయ్యాయి అని కూడా వార్తలు వచ్చాయి. అందుకే ఈ యూనివర్సిటీ పెద్దగా ప్రాచుర్యంలోకి రాలేదు. కానీ, ఇలాంటి ఒక అద్భుతమైన ఆలోచన, ప్రయత్నం నిజంగానే జరిగాయని తెలిసినప్పుడు చాలా ఆశ్చర్యంగా ఉంటుంది కదా! ఈ ఫ్లోటింగ్ యూనివర్సిటీ కథ నిజంగా ఒక పుస్తకంలోని కథలాగే ఉంది.
