హీరో విశాల్ ఆరోగ్యంపై ఆదివారం సాయంత్రం నుంచి పలు కథనాలు చక్కర్లు కొడుతున్నాయి. ‘మదగజరాజ’ ప్రెస్మీట్లో ఆయన చేతులు వణుకుతూ, నీరసంగా కనిపించడం అభిమానులను ఆందోళనకు గురి చేసింది. దీనికి సంబంధించిన వీడియోలు నెట్టింట వైరల్గా మారాయి. ఈ నేపథ్యంలో విశాల్ ఆరోగ్య పరిస్థితిపై ఆయన టీమ్ హెల్త్ రిపోర్ట్ను విడుదల చేసింది. అందులో, ఆయన వైరల్ ఫీవర్తో బాధపడుతున్నారని, వైద్యులు బెడ్ రెస్ట్ తీసుకోవాలని సూచించినట్లు పేర్కొన్నారు. ‘మదగజరాజ’ సినిమా 12 సంవత్సరాల తరువాత విడుదల కానుంది. ఈ సినిమా సంక్రాంతి కానుకగా జనవరి 12న ప్రేక్షకుల ముందుకు రానుంది. ఆదివారం ఈ సినిమా ప్రమోషన్లో విశాల్, ఖుష్బూ, సుందర్.సి, విజయ్ ఆంటోనీ పాల్గొన్నారు. ఈ సందర్భంగా విశాల్ అనారోగ్యంతో అభిమానులు ఆందోళన వ్యక్తం చేస్తున్నారు. ‘గెట్ వెల్ సూన్’ అంటూ వారు పోస్ట్లు పెట్టారు.
