హీరో విశ్వక్ సేన్ ప్రధాన పాత్రలో నటించిన ‘‘లైలా’’ ఫిబ్రవరి 14న ప్రేక్షకుల ముందుకు రానుంది. రామ్ నారాయణ్ దర్శకత్వం వహించిన ఈ చిత్రం యాక్షన్ టచ్తో కూడిన ఔట్ అండ్ ఔట్ కామెడీ ఫ్యామిలీ ఎంటర్టైనర్ అని విశ్వక్ సేన్ తెలిపారు. సాహు గారపాటి నిర్మించిన ఈ చిత్రంలో విశ్వక్ సేన్ లైలా, సోనూ అనే రెండు విభిన్న పాత్రల్లో కనిపించనున్నారు. ఈ చిత్రంలోని రెండో పాట ‘‘ఇచ్చుకుందాం బేబీ’’ ఇటీవల విడుదల కాగా, ఆదిత్య ఆర్కే, ఎంఎం మానసి ఆలపించారు. పూర్ణాచారి ఈ పాటకు సాహిత్యం అందించారు.
సాంగ్ లాంచ్ ఈవెంట్లో విశ్వక్ మాట్లాడుతూ, ‘‘లైలా’’ సినిమా తన కెరీర్లో ప్రత్యేకమై నిలిచేలా ఉంటుందన్నారు. ‘‘అమ్మాయిల లుక్స్ కోసం రెడీ అవ్వడంలో ఎంత కష్టమో నాకు ఈ సినిమాలో తెలిసింది. నిజంగా అమ్మాయిలకు హ్యాట్సాఫ్. వాలెంటైన్స్ డే రోజున సింగిల్స్ బాధపడుతుంటారు. కానీ, ఈసారి మీకు ‘లైలా’ ఉంది,’’ అంటూ ఆయన నవ్వులు పూయించారు. ‘‘విశ్వక్ సేన్ లాంటి హీరో ఈ పాత్రను చేయడానికి ముందుకు రావడం చాలా ఆనందంగా ఉంది,’’ అని దర్శకుడు రామ్ నారాయణ్ పేర్కొన్నారు. నిర్మాత సాహు గారపాటి మాట్లాడుతూ, ‘‘లైలా’’ ఒక యూత్ఫుల్ ఎంటర్టైనర్గా ప్రేక్షకులను అలరిస్తుందన్నారు. ‘‘విశ్వక్ పాత్ర కోసం ఎంతో కష్టపడ్డారు. ఈ సినిమా యూత్కు చాలా దగ్గరగా ఉంటుంది,’’ అని పేర్కొన్నారు.
