పీవీ సింధు, వెంకట దత్త సాయి వివాహం: రిసెప్షన్ హైదరాబాద్ లో!!

భారత బ్యాడ్మింటన్‌ స్టార్‌ పీవీ సింధు వైవాహిక జీవితంలోకి అడుగుపెట్టింది. పోసిడెక్స్‌ టెక్నాలజీస్‌ సంస్థ ఎగ్జిక్యూటివ్‌ డైరెక్టర్‌ వెంకట దత్త సాయితో ఆమె వివాహం ఆదివారం రాత్రి ఘనంగా జరిగింది. రాజస్థాన్‌లోని ఉదయ్‌సాగర్‌ సరస్సు వద్ద ఉన్న రఫల్స్‌ హోటల్‌ ఈ వేడుకకు వేదికైంది. కుటుంబ సభ్యులు, సన్నిహితులు, ప్రత్యేక అతిథుల సమక్షంలో రాత్రి 11.20 గంటలకు సాయి-సింధు మూడుముళ్ల బంధంతో ఒక్కటయ్యారు. సంప్రదాయ మేళతాళాలతో జరిగిన ఈ వేడుక ప్రత్యేక ఆహ్లాదాన్ని కలిగించింది. హైదరాబాద్‌లో మంగళవారం రిసెప్షన్‌ కార్యక్రమం నిర్వహించనున్నట్లు కుటుంబ వర్గాలు వెల్లడించాయి.