దేశంలో జాతీయ, సాంస్కృతిక విలువలు బలంగా ఉన్నాయని, వాటి ఆధారంగా అభివృద్ధి లక్ష్యాలకోసం ప్రతి ఒక్కరూ కృషి చేయాలని మహారాష్ట్ర, తమిళనాడు మాజీ గవర్నర్ సీహెచ్.విద్యాసాగర్రావు (CH Vidyasagar Rao) అన్నారు. తెలంగాణ ముఖ్యమంత్రి రేవంత్రెడ్డి చేపట్టిన స్కిల్ డెవలప్మెంట్ కార్యక్రమాలను అభినందిస్తూ, మూసీ నది పునరుజ్జీవం ప్రణాళిక హైదరాబాద్ను ప్రపంచస్థాయి నగరంగా తీర్చిదిద్దుతుందని పేర్కొన్నారు.
విద్యాసాగర్రావు సేవలపై సీఎం ప్రశంసలు
తెలంగాణ గౌరవాన్ని నిలబెట్టడంలో విద్యాసాగర్రావు పాత్ర అమూల్యమని సీఎం రేవంత్రెడ్డి తెలిపారు. ఆయనను అభిమానించే వారు ‘సాగర్జీ’ అని పిలవడం ఆయన ప్రతిష్ఠకు నిదర్శనమని పేర్కొన్నారు. మహారాష్ట్రలో తుమ్మిడిహెట్టి ప్రాజెక్ట్ భూసేకరణకు ఆయన సహాయం ముఖ్యమని సీఎం అభిప్రాయపడ్డారు.
సుదీర్ఘ రాజకీయ జీవితం
విద్యాసాగర్రావు 50 సంవత్సరాల రాజకీయ జీవితంలో ఏ ఒక్క ఆరోపణను ఎదుర్కోకపోవడం ఒక విశేషమని, మహారాష్ట్ర, తమిళనాడు గవర్నర్గా ఆయన విశేష సేవలు అందించారని సీఎం రేవంత్ కొనియాడారు.
