పూణెలోని విమన్ నగర్లో పార్కింగ్ ప్రాంతంలో ఒక అనూహ్య సంఘటన జరిగింది. కారు డ్రైవర్ ముందుకు తీసుకెళ్లాలని ప్రయత్నిస్తూ పొరపాటున రివర్స్ గేర్ వేశాడు. అదుపు తప్పిన కారు ఫస్ట్ ఫ్లోర్ నుంచి నేరుగా కింద పడిపోయింది. ఈ ప్రమాదంలో డ్రైవర్ స్వల్ప గాయాలతో బయటపడ్డాడు.
సోషల్ మీడియాలో వీడియో వైరల్
ప్రమాద దృశ్యాలు సీసీటీవీ కెమెరాలో నమోదవ్వగా, వాటిని చూసిన నెటిజన్లు ఆశ్చర్యంతో స్పందిస్తున్నారు. “మరింత జాగ్రత్తగా ఉండాలి” అని కొందరు హెచ్చరించగా, “డ్రైవింగ్ అంటే కేవలం వాహనం నడపటం కాదు, బాధ్యతతో వ్యవహరించాలి” అంటూ మరోవైపు చర్చ జరుగుతోంది.
