తెలంగాణ ముఖ్యమంత్రి రేవంత్రెడ్డి చేసిన పద్మ అవార్డుల వివక్ష ఆరోపణలపై బీజేపీ నేత బండి సంజయ్ కౌంటర్గా స్పందించారు. గద్దర్కు పద్మ అవార్డు ఇవ్వడంపై ఆయన ధాటిగా వ్యాఖ్యానించారు. “గద్దర్ నక్సలైట్ భావజాలానికి చెందినవారు. మా కార్యకర్తలను, పోలీసులను చంపిన వారికి అవార్డులు ఎలా ఇస్తాం? కేంద్రం అర్హులకే అవార్డులు ఇస్తుంది, రాష్ట్రం అర్హుల పేర్లు పంపితే అవార్డులు తప్పక వస్తాయి,” అని ఆయన స్పష్టం చేశారు. బండి సంజయ్ వ్యాఖ్యలపై ప్రభుత్వ విప్ ఆది శ్రీనివాస్ తీవ్రంగా స్పందించారు. “నక్సలైట్ భావజాలం ఉన్నవారికి అవార్డులు ఇవ్వకూడదా? అదే బీజేపీ నేతల అభిప్రాయం అయితే, లెఫ్ట్ నేపథ్యమైన ఈటల రాజేందర్ను పార్టీ రాష్ట్ర అధ్యక్ష పదవికి ఎలా అర్హుడిగా భావిస్తున్నారు?” అని ప్రశ్నించారు. Telangana రాష్ట్రం కోసం పోరాడిన గద్దర్ను అవమానించడంపై తీవ్ర ఆగ్రహం వ్యక్తం చేశారు.
