- విజయవాడ నుంచి ప్రత్యేక బస్సులు: ఆర్టీసీ ప్రత్యేక బస్సులు ఏర్పాటు చేస్తున్నట్లు జిల్లా ప్రజారవాణాధికారి ఎం.వై దానం తెలిపారు.
- యాత్రలో పుణ్యక్షేత్రాలు: ప్రయాగరాజ్, అయోధ్య, కాశీ వంటి పుణ్యక్షేత్రాలను దర్శించుకునే అవకాశం ఉంది.
విజయవాడ, డైలీ డిస్కవర్: భక్తుల సౌకర్యార్థం ఉత్తరప్రదేశ్లో జరుగుతున్న మహా కుంభమేళాకు విజయవాడ నుంచి ఆర్టీసీ ప్రత్యేక బస్సులు ఏర్పాటు చేస్తున్నామని జిల్లా ప్రజారవాణాధికారి ఎం.వై దానం సోమవారం ఒక ప్రకటనలో తెలిపారు. ఈ యాత్రలో ప్రయాగరాజ్తో పాటు అయోధ్య, కాశీ పుణ్యక్షేత్రాలను దర్శించుకొనే విధంగా 3,600 కిలో మీటర్లు, మొత్తం 8 రోజుల ప్రణాళిక రూపొందించినట్లు చెప్పారు.
యాత్ర వివరాలు
- ఫిబ్రవరి 1: ఉదయం విజయవాడ పీఎన్బీఎస్ నుంచి బస్సులు బయలుదేరుతాయి.
- ఫిబ్రవరి 2: సాయంత్రం ప్రయాగరాజ్ చేరుకుంటాయి.
- ఫిబ్రవరి 3: ప్రయాగరాజ్లో బస.
- ఫిబ్రవరి 4: రాత్రి నుంచి అయోధ్యకు ప్రయాణం.
- ఫిబ్రవరి 5: ఉదయం అయోధ్య చేరుకుని బాల రాముడి దర్శనాంతరం రాత్రికి వారణాసికి ప్రయాణం.
- ఫిబ్రవరి 6: వారణాసి చేరుకొని అక్కడే రాత్రికి బస.
- ఫిబ్రవరి 7: ఉదయం వారణాసి నుంచి బయలుదేరుతారు.
- ఫిబ్రవరి 8: బస్సులు విజయవాడకు చేరుకుంటాయి.
ఈ యాత్రలో పిల్లలు, పెద్దలకు ఒకటే ఛార్జీ ఉంటుందని ఆర్టీసీ అధికారులు తెలిపారు. భోజనం, వసతి ఖర్చులు భక్తులు స్వయంగా చెల్లించాల్సి ఉంటుంది.
చార్జీల వివరాలు
- సూపర్ లగ్జరీ: రూ.8,000
- స్టార్ లైనర్ నాన్ ఏసీ స్లీపర్: రూ.11,000
- వెన్నెల ఏసీ స్లీపర్: రూ.14,500
ముందస్తు రిజర్వేషన్ కోసం ఆన్లైన్, సమీప బస్ స్టేషన్ లేదా ఆర్టీసీ టికెట్ బుకింగ్ ఏజెంట్ల వద్ద టికెట్లు పొందవచ్చని అధికారులు సూచించారు. మరిన్ని వివరాలకు 80742 98487, 0866 2523926, 0866 2523928 నంబర్లలో సంప్రదించాలని కోరారు.
