“వైఎస్సార్ పేరు తొలగింపు.. విశాఖ స్టేడియంలో ఉద్రిక్తత!”

• క్రికెట్ స్టేడియం నుంచి వైఎస్సార్ పేరు తొలగింపుకు వైఎస్సార్‌సీపీ వ్యతిరేకం
• నిరసనలను అడ్డుకునేందుకు భారీ సంఖ్యలో పోలీసుల మోహరింపు

విశాఖలోని ఏసీఏ-వీడీసీఏ అంతర్జాతీయ క్రికెట్ స్టేడియం నుంచి దివంగత ముఖ్యమంత్రి వైఎస్ రాజశేఖర్ రెడ్డి పేరు తొలగించడంపై రాజకీయ దుమారం రేగుతోంది. ఈ నిర్ణయాన్ని వ్యతిరేకిస్తూ వైఎస్సార్‌సీపీ నేతలు గురువారం నిరసన కార్యక్రమాన్ని చేపట్టేందుకు సిద్ధమవుతున్నారు. అయితే, ఈ నిరసనలను అడ్డుకునేందుకు పోలీసులు భారీగా మోహరించారు.

పోలీసుల ముందస్తు అరెస్టులు.. ఉద్రిక్తత వాతావరణం

నగరంలోని పీఎంపాలెం వద్ద ఉన్న స్టేడియానికి వైఎస్సార్ పేరు తొలగించడాన్ని వ్యతిరేకిస్తూ వైఎస్సార్‌సీపీ నేతలు బహిరంగంగా నిరసనకు పిలుపునిచ్చారు. దీనిపై ప్రభుత్వం అప్రమత్తమై, నిరసనకారులను అడ్డుకునేందుకు పలువురు నేతల ఇళ్ల వద్ద హౌస్ అరెస్టులు జరిపింది. స్టేడియం వద్ద భారీ సంఖ్యలో పోలీసుల్ని మోహరించి పరిస్థితిని గమనిస్తున్నాయి. వైఎస్సార్‌సీపీ నేతలు తొలగించిన పేరు యథాతథంగా పునరుద్ధరించాలని డిమాండ్ చేస్తుండగా, టీడీపీ కూటమి ప్రభుత్వం విశాఖలో వైఎస్సార్ గుర్తుల తొలగింపుని వేగవంతం చేస్తోంది. ఈ నేపథ్యంలో రాజకీయంగా గట్టిపోరు నెలకొంది.