సునీతా విలియమ్స్, బారీ బుచ్ విల్మోర్ మార్చి 19 లేదా 20 తేదీల్లో భూమికి తిరిగి వస్తారని నాసా ప్రకటించింది. వీరు దాదాపు పది నెలలుగా అంతర్జాతీయ అంతరిక్ష కేంద్రంలో (ఐఎస్ఎస్) ఉన్నారు.
స్టార్లైనర్ అంతరిక్ష నౌకలో తలెత్తిన సాంకేతిక సమస్యల కారణంగా వీరి రాక ఆలస్యమైంది… సునీతా విలియమ్స్ అంతరిక్షంలో ఎక్కువ కాలం ఉన్న తొలి మహిళగా రికార్డు సృష్టించారు.
2024 జూన్ 5న స్టార్లైనర్ అంతరిక్ష నౌకలో వీరిద్దరూ అంతరిక్ష యాత్రకు వెళ్లారు. ఎనిమిది రోజుల తర్వాత తిరిగి రావాల్సి ఉండగా, నౌకలో సాంకేతిక సమస్యలు తలెత్తాయి. థ్రస్టర్లు పనిచేయకపోవడం, హీలియం అయిపోవడం వంటి సమస్యలతో వీరి రాక ఆలస్యమైంది. అంతరిక్షంలో గురుత్వాకర్షణ లేకపోవడం వల్ల కండరాల ద్రవ్యరాశి, ఎముకల సాంద్రత తగ్గుతాయి. ఎముకలు పెళుసుగా మారతాయి. కండరాలు బలహీనపడతాయి. అయితే, వ్యోమగాములు వ్యాయామం చేస్తూ, సప్లిమెంట్లు తీసుకుంటూ ఈ ప్రభావాన్ని తగ్గిస్తారు.
సునీతా విలియమ్స్ రికార్డులు
సునీతా విలియమ్స్ 9 నెలలకు పైగా ఐఎస్ఎస్లోనే ఉండి, అంతరిక్షంలో ఎక్కువ కాలం ఉన్న తొలి మహిళగా రికార్డు సృష్టించారు. 2006-07లో ఆమె 29 గంటల 17 నిమిషాలు స్పేస్వాక్ చేసి, ఎక్కువ సేపు స్పేస్వాక్ చేసిన మహిళగా రికార్డు సృష్టించారు.
