- రెండేళ్ల పదవీ కాలం ఉండగానే రాజీనామా
- పార్టీ లోపలి అవమానాలు, వాగ్దానాల విఫలత ప్రధాన కారణం
వైకాపా శాసనమండలిలో మరో ఎదురుదెబ్బ తగిలింది. ఆ పార్టీకి చెందిన మర్రి రాజశేఖర్ ఎమ్మెల్సీ పదవికి రాజీనామా చేశారు. ఆయన బుధవారం మండలి ఛైర్మన్ మోషేనురాజుకు తన రాజీనామా పత్రాన్ని సమర్పించారు. పదవీకాలం ఇంకా నాలుగేళ్లు ఉండగానే రాజీనామా చేయడం రాజకీయ వర్గాల్లో చర్చనీయాంశంగా మారింది. పార్టీ సీనియర్ నేతలు, ప్రతిపక్ష నేత బొత్స సత్యనారాయణ సహా పలువురు రాజశేఖర్ను ఓర్పుగా ఉండమని కోరినా, ఆయన నిర్ణయాన్ని మార్చుకోలేదు.
అవమానం, వాగ్దానాల వంచన
2004లో చిలకలూరిపేట ఎమ్మెల్యేగా గెలిచిన మర్రి రాజశేఖర్, వైకాపా ఆవిర్భావం నుంచే పార్టీకి అంకితమయ్యారు. అయితే 2019 ఎన్నికల్లో టికెట్ ఆశించినా, చివరి నిమిషంలో జగన్ విడదల రజినికి టికెట్ ఇచ్చి రాజశేఖర్ను పక్కనపెట్టారు. ఎమ్మెల్సీ పదవిని ఇచ్చి మంత్రివర్గంలోకి తీసుకుంటానని హామీ ఇచ్చినప్పటికీ, చివరకు ఆ వాగ్దానం నిలబడలేదు. 2024లో కూడా టికెట్ ఆశించినా, చివరి క్షణంలో మేయర్ కావటి మనోహర్ నాయుడును అభ్యర్థిగా ప్రకటించడంతో రాజశేఖర్ తీవ్రంగా నిరాశ చెందారు. ఇప్పుడు, చిలకలూరిపేటలో పార్టీకి పట్టునిల్చే బాధ్యత తనపై మోపుతూ, మరోవైపు విడదల రజినిని మళ్లీ సమన్వయకర్తగా తీసుకురావడంతో తీవ్రంగా మానసిక వేదనకు గురై రాజీనామా చేశారు.
